სხვადასხვა ტიპის ფინანსური აქტივებით ვაჭრობა post thumbnail image

სხვადასხვა ტიპის ფინანსური აქტივებით ვაჭრობა

ჩვენ ყველას სხვადასხვა დამოკიდებულება გვაქვს ფულის მიმართ. თუმცა ერთი რამ საერთოა – ყველას გვინდა საკმარისი შემოსავალი იმისთვის, რომ არ ვნერვიულბდეთ ანგარიშზე გამოსახულ ციფრებზე. სხვა სიტყვებით რომ ვთქვათ, ყველას გვინდა ფინანსურად დაცულები, დამოუკიდებლები ვიყოთ და შევიძინოთ ის პროდუქტი თუ მომსახურება რაც ჩვენი ცხოვრების ხარისხს აუმჯობესებს. ამის მისაღწევად უამრავი სხვადასხვა ხერხი არსებობს. განსაკუთრებით თანამედროვე სამყაროში, სადაც ტექნოლოგიურმა განვითარებამ ფულის გამომუშავების ახალი გზები შეგვიქმნა.

რამდენადაც ფულთან დაკავშირებით ჩვენი მიზნები და სურვილები განსხვავებულია, ფინანსური დამოუკიდებლობის მიღწევის ზოგიერთი გზა უფრო შეგვესაბამება ინდივიდუალურად, ვიდრე სხვები. ერთ-ერთი ფართოდ გავრცელებული გზა დამატებითი ან ძირითადი შემოსავლის მისაღებად ფინანსურ ბაზრებში მონაწილეობაა. ფინანსური ბაზრები და მისგან მიღებული შემოსავალი ხშირად ასოცირდება ისეთ ცნობილ ადამიანებთან როგორიც მაგალითად ვორენ ბაფეტია. ეს ბევრ ადამიანს აშინებს და აფიქრებინებს რომ ინვესტიციები და ფინანსურ ბაზრებზე ვაჭრობა მხოლოდ მდიდარი ადამიანებისთვისაა მომგებიანი. სინამდვილეში, მსოფლიოში უამრავი ადამიანია, რომელიც შემოსავალს სწორედ ფინანსური ბაზრების საშუალებით იღებს, მათ შორის საქართველოში. ამ სტატიაში გაგაცნობთ ძირითად და ყველაზე პოპულარულ ფინანსურ ბაზრებს. თქვენ შეგიძლიათ გაეცნოთ თითოეულ მათგანს კიდევ უფრო ვრცლად და აღმოაჩინოთ რომელი მათგანია თქვენთვის უფრო საინტერესო და რა დადებითი თუ უარყოფითი მხარეები აქვს ამა თუ იმ ბაზარზე ვაჭრობას.

ფინანსური ბაზრების სახეობები

ტექნოლოგიების განვითარებამდე ფინანსურ ბაზრებში მონაწილეობის მიღება ინდივიდებისათვის თითქმის შეუძლებელი იყო. განსაკუთრებით ისეთ ქვეყნებში, სადაც ფინანსური ბირჟები არ იყო. შესაბამისად ნაკლებ ადამიანს ჰქონდა მასში ჩართვის და სარგებლის მიღების შესაძლებლობა. ინტერნეტმა სურათი მკვეთრად შეცვალა. დღეისათვის ყველა ტიპის ფინანსურ ბაზარში შეიძლება ჩართვა მსოფლიოს ნებისმიერი წერტილიდან. ამისთვის მხოლოდ ინტერნეტი და ლეპტოპია საჭირო. ამ ცვლილებებმა განავითარა ფინანსური ბაზრები, რომელთაც ინტერნეტ სივრცეში გადმოინაცვლეს და შესაძლებლობა მისცა ჩვეულებრივ ადამიანებს მაგალითად, მე და თქვენ მონაწილეობა მივიღოთ ფინანსურ ვაჭრობაში და ამით დამატებითი ფული გამოვიმუშაოთ.

არსებობს რამდენიმე ტიპის ფინანსური ბაზარი მაგალითად ფორექსის ბაზარი, საფონდო ბირჟა, ოფციონების ბაზარი, კრიპტოვალუტის ბაზარი, ბაზარი კონტრაქტებისთვის ფასთა შორის სხვაობაზე და ა.შ . მათ შორის ინდივიდებში ყველაზე პოპულარული და გავრცელებული ფინანსური ბაზრის სახეობებია: ფორექსის ბაზარი, საფონდო ბირჟა და კრიპტოვალუტის ბაზარი. განვიხილოთ თითოეული მათგანი.

ფორექსზე ვაჭრობა

ფორექსის ბაზარი

ფორექსი მსოფლიოში ყველაზე გავრცელებული ფინანსური ბაზარია. მისი სამუშაო მოცულობა დღის განმავლობაში 5 ტრილიონ დოლარს უტოლდება. ფორექსის მთავარი პრინციპი ძალიან მარტივია. ამ ბაზარში ჩართული ადამიანები ცვლიან ერთ ვალუტას, სხვა ვალუტაში თავისუფალი გაცვლითი კურსით. რადგან ყველას გვქონია შეხება ვალუტასთან (ან უბრალოდ თვალყურს ვადევნებთ ლარის კურსის ცვლილებას) ფორექსის იდეის გაგება გაცილებით იოლია სხვა ფინანსურ ბაზრებთან შედარებით.

ეს ერთ-ერთი მიზეზია, თუ რატომ არის ამდენი ადამიანი ჩართული სავალუტო წყვილებით ვაჭრობაში. კიდევ ერთი მიზეზი ისაა, რომ ფორექსი მარგინალური ვაჭრობის შესაძლებლობას იძლევა საკრედიტო მხარის საშუალებით, რაც შესაძლებლობას აძლევს ტრეიდერებს მცირე სავაჭრო კაპიტალით გახსნან პოზიციები. გავრცელებული შეხედულების მიუხედავად, ფორექსზე ვაჭრობის დაწყებას სულაც არ ჭირდება დიდი პირველადი კაპიტალი. თუმცა წარმატებულად ვაჭრობას ნამდვილად ჭირდება ცოდნა და გამოცდილება. გარდა ამისა, ფორქსზე ვაჭრობა მოკლე დროში მიმდინარეობს, შესაბამისად თქვენ შესაძლებლობა გაქვთ გამოიმუშაოთ ფული მოკლე დროში.  აქ შეგიძლიათ წაიკითხოთ ვრცლად ფორექსის შესახებ, როგორ უნდა დაიწყოთ ვაჭრობა ფორექსზე საქართველოში და როგორ შეარჩიოთ საბროკერო კომპანია წარმატებული ფორექს ტრეიდინგისთვის.

დაიწყე ვაჭრობა XM-თან!

აქციებით ვაჭრობა საფონდო ბირჟაზე

საფონდო ბირჟა

თუ ფორექსზე ვაჭრობა მოკლე დროშია შესაძლებელი, საფონდო ბირჟაზე ვაჭრობა შედარებით გრძელვადიანი ინვესტიციაა. საფონდო ბირჟაზე ძირითადად ის ადამიანები ვაჭრობენ, ვისაც დაგროვებული აქვს საინვესტიციო კაპიტალი და სურთ ის სარფიანად დააბანდონ მომავალში სარგებლის მიღების მიზნით. საფონდო ბირჟაზე წარმოდგენილია მსხვილი კომპანიების აქციები, მათი შეძენით თქვენ შესაძლებლობა გაქვთ მიიღოთ კომპანიის მცირე წილი. საფონდო ბირჟაზე შესაძლებელია ისეთი კომპანიების აქციების შეძენა როგორიცაა მაგალითად Amazon, Apple, Nike, Facebook Inc და სხვა.

საფონდო ბირჟაზე ვაჭრობა შესაძლებელია ორგვარად. თქვენ შეგიძლიათ შეიძინოთ ამა თუ იმ კომპანიების აქციები, ფლობდეთ მათ გარკვეული დრის განმავლობაში (მაგალითად 5-10 წელი) და გაყიდოთ ისინი მოგების მიღების მიზნით როდესაც აქციების ფასი საგრძნობლად გაიზრდება. ასევე, შეგიძლიათ აქციები გქონდეთ უფრო მოკლე დროით და დაკავდეთ მათი ყიდვა-გაყიდვით. შესაძლებლობა გაქვთ შეიძინოთ ერთი კომპანიის აქციები, ან რამოდენიმე მათგანის და გქონდეთ უფრო მრავალფეროვანი საინვესტიციო პორტფოლიო.

საფონდო ბირჟაზე ვაჭრობა ითვება ერთ-ერთ ყველაზე უსაფრთხო და გავრცელებულ ვაჭრობის ტიპად. ვაჭრობის ეს სახე განსაკუთრებით პოპულარულია იმ ადამიანებში ვისაც საინვესტიციო კაპიტალი აქვთ და შეუძლიათ განახორციელონ დიდხნიანი ინვესტიცია. ზოგიერთი ადამიანი ასეთ დროს ყიდულობს უძრავ ქონებას, ოქროს ან შეაქვს თანხა ზრდად ანაბარზე. ამ ტიპის ინვესტიციებთან შედარებით აქციების შეძენას ბევრი უპირატესობა აქვს, მაგალითად შეუძლებელია უძრავი ქონების ფასი 5 წელიწადში რამდენჯერმე გაიზარდოს, ოქროს ფასიც ასევე არ გამოირჩევა ცვალებადობით, ხოლო ანაბარი მხოლოდ მინიმალურად იზრდება. რაც შეეხება აქციებს, სწორი კომპანიის აქციების შეძენის შემთხევაში თქვენ შეგიძლიათ გააორმაგოთ, გაასამმაგოთ და ზოგიერთ შემთხვევაში გაახუთმაგოთ კიდეც თქვენი პირველადი კაპიტალი.  სწორედ ამიტომ აქციებში ფულს აბანდებენ დიდი დროით. წაიკითხოთ დაწვრილებით აქციების შესახებ, გაიგეთ როგორ მუშაობს საფონდო ბირჟა და როგორ შეიძინოთ თქვენი პირველი აქციები.

დაიწყე ვაჭრობა CFD-ებით აქციებზე XM-თან!

კრიპტოვალუტით ვაჭრობა

კრიპტოვალუტით ვაჭრობა

კრიპტოვალუტით ვაჭრობა ვაჭრობის ყველაზე თანამედროვე სახეობაა, რომელიც ძალიან მალე გახდა პოპულარული მთელს მსოფლიოში, მათ შორის საქართველოშიც. პირველი კრიპტოვალუტა ბიტკოინი 2008 წელს შეიქმნა და მაშინვე ბევრი ადამიანის ინტერესი გამოიწვია. შედეგად ბიტკოინის ფასმა რეკორდულ ნიშნულს მიაღწია 2017 წელს და თამამად შეიძლება ითქვას, რომ კრიპტოვალუტის ეპოქა დაიწყო. კრიპტოვალუტის ასეთმა პოპულარობამ გამოიწვია ახალი ბაზრის – კრიპტოვალუტის ბაზრის შექმნა.

კრიპტოვალუტით ვაჭრობა გავს ნებისმიერი ისეთი ნივთითა თუ აქტივით ვაჭრობას, რომლის ფასიც ცვალებადია. ტრეიდერი ყიდულობს მისთვის სასურველ კრიპტოვალუტას, მაგალითად ბიტკოინს და ინარჩუნებს მას სპეციალურ ელექტრონულ საფულეში სანამ ფასი მისთვის სასურველ ნიშნულს მიაღწევს. მას შემდეგ რაც ფასი გაიზრდება ტრეიდერი ცვლის კრიპტოვალუტას ვალუტაში (ძირითადად დოლარი) და იღებს მოგებას. შესაბამისად ვაჭრობენ სხვა კრიპტოვალუტებითაც.

კრიპტოვალუტით ვაჭრობის ერთ-ერთი მთავარი დადებითი თვისება სიმარტივეა. თქვენ შეგიძლიათ წამებში დარეგისტრირდეთ კრიპტოვალუტის გაცვლის კომპანიის სავაჭრო პლატფორმაზე და ასევე წამებში შეიძინოთ სასურველი კრიპტოვალუტა.  კრიპტოვალუტას კიდევ ერთი მნიშვნელოვანი უპირატესობა აქვს. თქვენ შეგიძლიათ შეიძინოთ სასურველი კრიპტოვალუტა იმ თანხით, რისი საშუალებაც გაქვთ. ეს არ ნიშნავს რომ ის კრიპტოვალუტა უნდა შეიძინოთ რომელიც იაფი ღირს, სულაც არა. მაგალითად თუ ბიტკოინის ფასი ამ მომენტისთვის 10.000 დოლარია შეგიძლიათ შეიძინოთ 200 დოლარის ღირებულების ბიტკოინი. თუ ფიქრობთ, რომ კრიპტოვალუტით ვაჭრობა შეიძლება თქვენთვის საინტერესო იყოს, წაიკითხეთ დეტალური გზამკვლევი კრიპტოვალუტით ვაჭრობის დაწყებისათვის საქართველოში.

დაიწყე ვაჭრობა CFD-ებით კრიპტოვალუტაზე XM-თან!

რატომ უნდა ჩაერთოთ ფინანსურ ბაზარში

მნიშვნელობა არ აქვს რამდენია თქვენი კაპიტალი ან რომელი ფინანსური ბაზრით ხართ დაინტერესებული, ნებისმიერ შემთხვევაში ფინანსურ ბაზარში ჩართვას აქვს ისეთი უპირატესობები, რომელთა უგულებელყოფა არ შეიძლება.

პირველ რიგში, ვაჭრობა თქვენგან ძალიან მცირე დროს მოითხოვს. რასაკვირველია ეს დამოკიდებულია იმაზე თუ რომელი აქტივებით გადაწყვეტთ ვაჭრობას. თუმცა ნებისმიერ შემთხვევაში დრო რომელიც ვაჭრობას უნდა დაუთმოთ გაცილებით ნაკლებია ვიდრე მაგალითად თქვენი სამუშაო საათები. ხოლო სწორად ვაჭრობის შემთხვევაში შემოსავალი თქვენს ხელფასზე გაცილებით მეტი შეიძლება იყოს.

ფინანსური ინვესტიციები გეხმარებათ გათავისუფლდეთ ფინანსური დამოკიდებულებისაგან. დაიმახსოვრეთ, რომ თქვენი კაპიტალი იზომება დროით – რამდენი ხანი შეგიძლიათ იცხოვროთ ფინანსური პრობლების გარეშე თუ ამ წუთიდან უარს იტყვით სამსახურზე. სამწუხაროდ ბევრი მკითხველისთვის ეს დრო ძალიან მცირე იქნება. საქართველოში ჯერ კიდევ არ არის ფართოდ გავრცელებული დანაზოგის გაკეთება და შემდეგ ინვესტიცია. სინამდვილეში კი სწორად განხორციელებულ ინვესტიციას შეუძლია გაგათავისუფლოთ ფულთან დაკავშირებული სტრესისაგან.

ფინანსური ვაჭრობის უპირატესობები კიდევ უფრო გაიზრდება თუ გადაწყვეტთ ტრეიდინგით პროფესიონალურად დაკავდეთ. ასეთ შემთხვევაში შეგიძლიათ თავად იყოთ საკუთარი თავის უფროსი და თავად განსაზღვროთ როდის და რამდენი ხნის განმავლობაში იმუშაოთ. ეს შესაძლებლობას მოგცემთ დაკავდეთ სხვა ტიპის აქტივობებით და მეტი დრო დაუთმოთ თქვენს სხვა ინტერესებს, რაც სრულ განაკვეთზე მუშაობის შემთხვევაში ხშირად ძალიან რთულია.