რა არის კრიპტოვალუტა და როგორ უნდა ივაჭროთ კრიპტოთი post thumbnail image

რა არის კრიპტოვალუტა და როგორ უნდა ივაჭროთ კრიპტოთი

კრიპტოვალუტას ნამდვილად არ სჭირდება დიდი წარდგენა. კრიპტოვალუტა საქართველოში, ისევე როგორც მთელ მსოფლიოში ძალიან პოპულარულია, განსაკუთრებით ბიტკოინი. მას შედმეგ რაც პირველი კრიპტოვალუტა – ბიტკოინი გამოჩნდა მსოფლიო ალაპარაკდა ტრანზაქციების ახალ, რევოლუციურ მოდელზე რომელსაც შეუძლია სრულად შეცვალოს ჩვენი დამოკიდებულება ფულის მიმართ. 2017 წელს ბიტკოინის ღირებულებამ ისტორიულ მაქსიმუმს მიაღწია და კრიპტოვალუტა კიდევ უფრო პოპულარული გახდა. დღეს გვაქვს არაერთი კრიპტო, რომელიც განსხვავდება ერთმანეთისაგან მახასიათებლებითა და ღირებულებით. ინტერესი კრიპტოს მიმართ ძალიან მაღალია, ალბათ გყავთ მეგობარი ან ნაცნობი, რომელმაც კრიპტოვალუტაში დროულად ჩადო ინვესტიცია ან პირიქით, მუდმივად იმეორებს რომ თავის დროზე ბიტკოინი უნდა ეყიდა. შეიძლება თქვენ თავად ხართ ასეთი ადამიანი თქვენს სამეგობრო წრეში.  ასეთ შემთხვევაში აუცილებლად წაიკითხეთ ჩვენი სტატია, რომელიც გაგაცნობთ რა არის კრიპტოვალუტა, რა არის ბიტკოინი, როგორ შეიძლება გამოიყენოთ ის და როგორ ხდება კრიპტოვალუტით ვაჭრობა საქართველოში.

Contents

სტატიაში წაიკითხავთ:

  • როგორ შეიქმნა პირველი კრიპტოვალუტა – ბიტკოინი
  • რა მახასიათებლები აქვს ბიტკოინს და რით გამოირჩევა ის ჩვეულებრივი ფულის – ფიატისაგან
  • რისთვის შეგიძლიათ გამოიყენოთ ბიტკოინი საქართველოში
  • როგორ მიმდინარეობს კრიპტოვალუტით ვაჭრობა და როგორ შეგიძლიათ დაიწყოთ ვაჭრობა საქართველოში
  • რა რისკები ახლავს კრიპტოვალუტით ვაჭრობას
  • რა არის კრიპტოვალუტით ვაჭრობის ალტერნატივა
  • ვაჭრობა კონტრაქტით ფასთა შორის სხვაობაზე და მისი დადებითი და უარყოფითი მხარეები
  • სად შეიძლება ვივაჭროთ კონტრაქტით ფასთა შორის სხვაობაზე.
  • რა ახდენს გავლენას კრიპტოვალუტის ფასის ცვლილებაზე და უნდა დაიწყოთ თუ არა კრიპტოვალუტით ვაჭრობა

რა არის კრიპტოვალუტა და როგორ შეიქმნა ის

კრიპტოვალუტა ანუ ელექტრონული ფული მსოფლიოში პირველად 2008 წლის აგვისტოში გამოჩნდა, როდესაც ადამიანმა, ან ადამიანთა ჯგუფმა სახელწოდებით “სატოში ნაკამოტო” შექმნა ბიტკოინის ოფიციალური საიტი სადაც ბიტკოინი დახასიათებული იყო როგორც ელექტრონული ფულადი სისტემა პირდაპირი გადარიცხვებისათვის. მალევე, საიტზე გამოჩნდა ბიტკოინის ოფიციალური გამოცემა (white paper).  2009 წელს სატოში ნაკამოტომ შექმნა ბლოკჩეინის პირველი, გენეზის ბლოკი რომელმაც გამოიმუშავა 50 ბიტკოინი. მას შემდეგ სატოში ნაკამოტომ კიდევ 1 მილიონი ბიტკოინი გამოიმუშავა და 2011 წელს ბიტკოინის პროექტს ჩამოშორდა, ისე, რომ მისი ნამვდილი ვინაობა უნცობი დარჩა.

რადგან ბიტკოინის კოდი ამ დროისთვის უკვე საჯარო იყო, სხვებმაც დაიწყეს ბიტკოინის გამომუშავება და სხვა კრიპტოვალუტის შექმნა. ბიტკოინის გამომუშავებას მაინინგს უწოდებენ, რომელიც მიმდინარეობს ბლოკჩეინ ტექნოლოგიის დახმარებით. მარტივად რომ ვთქვათ, კრიპტოვალუტის მაინერი იყენებს კომპიუტერის ძალას რათა ამოხსნას სხვადასხვა მათემატიკური პრობლემა. მას შემდეგ რაც გამოყენებული იქნება საკმარისი ძალა, იქმნება ახალი ბლოკი და გამომუშავდება კრიპტოვალუტა. კრიტპოვალუტის მაინინგი განსაკუთრებით გავრცელებული იყო მაშინ როდესაც ბიტკოინის ფასი მუდმივად იზრდებოდა 2017 წლამდე. ამ დროისათვის ბიტკოინს ინდივიდუალურადაც გამოიმუშავდებდნენ, თუმცა დღეისთვის ამით ძირითადად დიდი კომპანიები არიან დაკავებული.

კრიპტოვალუტით ვაჭრობა

კრიპტოვალუტით ვაჭრობა შესაძლებელია ორი გზით. შეგიძლიათ შეიძინოთ თქვენთვის სასურველი კრიპტოვალუტა და გაყიდოთ ის როდესაც მისი ფასი გაიზრდება ან ივაჭროთ კონტრაქტებით ფასთა შორის სხვაობაზე (CFD). კრიპტოვალუტით ვაჭრობა შესაძლებელია კრიპტოვალუტის გაცვლის კომპანიებთან. რაც შეეხება CFD-ებს კრიპტოვალუტაზე, ამ სავაჭრო ინსტრუმენტით ვაჭრობა შესაძლებელია ფორექს და CFD საბროკერო კომპანიებთან.

ქართველი ტრეიდერებისთვის რეკომენდირებული ფორექს და CFD ბროკერი XM-ია.  საბროკერო კომპანია ერთ-ერთი ყველაზე რესპექტაბელური და ცნობილია მსოფლიოში. ბროკერი მომხმარებელს სთავაზობს ტრეიდინგის თანამედროვე მიდგომას, მაქსიმალურ დაცულობას, დაბალ მინიმალურ დეპოზიტსა და სავაჭრო ინსტრუმენტების მრავალფეროვან არჩევანს. ბროკერთან შესაძლებელია CFD-ებით ვაჭრობა ძირითად კრიპტოვალუტაზე: Bitcoin, Bitcoin Cash, Litecoin, Ethereum, Ripple.

დაიწყე CFD-ებით ვაჭრობა კრიპტოვალუტაზე XM-თან!

კრიპტოვალუტის მახასიათებელი თვისებები

კრიპტოვალუტას რამდენიმე მნიშვნელოვანი დადებითი მხარე აქვს.

  • პირველ რიგში ბლოკჩეინ ტექნოლოგია და კრიპტო სრულიად დეცენტრალიზებულია. ეს ნიშნავს რომ ის არ განეკუთვნება კონკრეტულ ქვეყანას ან პირს. ინფორმაცია რომელიც დაშიფრულია ბლოკჩეინზე, არ არის თავმოყრილი ერთ ადგილას, რაც კიდევ უფრო დაცულს ხდის მას.
  • კრიპტოვალუტა დაცულია ინფლაციისაგან. მასზე არ მოქმედებს ის გარემოებები რამაც შესაძლოა ვალუტის ინფლაცია გამოიწვიოს.
  • კრიპტოვალუტა სრულიად ანონიმურია. კრიპტოთი შესრულებულ ტრანზაქციაზე ინფორმაცია აქვს მხოლოდ მიმღებს და გამგზავნს. არავის, მათ შორის სახელმწიფოს ან ეროვნულ ბანკს არ აქვს წვდომა კრიპტოთი განხორციელებულ გადახდებსა და ტრანზაქციებზე.
  • კრიპტოთი შესრულებული ტრანზაქციები სწრაფი და იაფია. კრიპტოთი გაცილებით უფრო მარტივად, იაფად და სწრაფად განახორციელებთ ტრანზაქციებს მსოფლიოს ნებისმიერ წერტილში ვიდრე ნებისმიერი სხვა მეთოდით.

რაში და როგორ შეგიძლიათ გამოიყენოთ კრიპტოვალუტა

მსოფლიოში არ არსებობს არავითარი შეთანხმება კრიპტოვალუტის შესახებ და ყველა ქვეყანას თავისი მიდგომა აქვს. მას შემდეგ რაც კრიპტოვალუტის პოპულარობა მასიურად გაიზარდა მთელს მსოფლიოში სახელმწიფოებმა დაიწყეს კრიპტო ინდუსტრიის რეგულირება. ზოგიერთი ქვეყანა უფრო გახნილია როდესაც საქმე კრიპტოს ეხება და მისი გამოყენების არეალიც შედარებით ფართოა. მაგალითად იაპონიაში შესაძლებელია ბიტკოინით ყოველდღიური მოხმარების პროდუქტებისა და სერვისის შეძენა. ზოგიერთ ქვეყანაში კრიპტოვალუტა და ანონიმური ტრანზაქციები სრულად აკრძალულია.

საქართველოში არ არსებობს რეგულაცია კრიპტოვალუტის შესახებ რაც საშუალებას აძლევს ქართველ მომხმარებლებს თავისუფლად შეიძინონ ელექტრონული ფული  და განახორციელონ კრიპტო ტრანზაქციები. თუმცა ქვეყანაში ბიტკოინის და სხვა კრიპტოვალუტის გამოყენების არეალი საკმაოდ მცირეა. რაში შეგიძლიათ გამოიყენოთ კრიპტოვალუტა საქართველოში?

შეგიძლიათ გაანაღდოთ კრიპტოვალუტა კრიპტო ბანკომატის საშუალებით.

საქართველოში კრიპტოვალუტის ბანკომატები რამდენიმე ლოკაციაზეა განთავსებული. თუ თქვენ გაქვთ კრიპტოვალუტა შეგიძლიათ გადაცვალოთ ის ლარში და გაანაღდოთ. ბანკომატებით შეგიძლიათ როგორც ბიტკოინის განადღება ასევე სხვა ყველაზე პოპულარული კრიპტოვალუტის.

გამოიყენოთ უნაღდო ანგარიშსწორებისათვის სხვადასხვა საიტებზე

ზოგიერთ საიტს აქვს ბიტკოინით ანგარიშსწორების ფუნქცია. თქვენ შეგიძლიათ შეიძინოთ ნივთები ინტერნეტში და გადაიხადოთ ბიტკოინით.

დაიწყოთ კრიპტოვალუტით ვაჭრობა

თავდაპირველ პერიოდში სანამ ბიტკოინის ფასი მაქსიმუმს მიაღწევდა ადამიანები მოქმედებდნენ მარტივი სქემის მიხედვით – ყიდულობდნენ ბიტკოინს და ელოდებოდნენ მისი ღირებულების გაზრდას რათა შემდგომ გადაეცვალათ დოლარში და ლარში. მას შემდეგ რაც ბიტკოინის ფასი გაიზარდა და სხვა კრიპტოვალუტამაც მოიპოვა პოპულარობა, ადამიანებმა დაიწყეს კრიუპტოვალუტით ვაჭრობა და ფულის გამომუშავება. ანალოგიურად, თქვენც შეგიძლიათ გამოიყენოთ კრიპტოვალუტა ვაჭრობისათვის.

მოდით, უკეთ ვნახოთ რას გულისხმობს კრიპტოვალუტით ვაჭრობა და როგორ შეიძლება დაიწყოთ ის საქართველოში.

რა არის კრიპტოვალუტით ვაჭრობა

კრიპტოვალუტით ვაჭრობა შეგვიძლია შევადაროთ ნებისმიერი ღირებული ნივთით ვაჭრობას. მაგალითად თქვენ ფიქრობთ, რომ უძრავი ქონება თქვენს სამეზობლოში ახლო მომავალში გაძვირდება რადგან ახლახანს გაკეთდა დიდი პარკი და მახლობლად სკოლის მშენებლობაც დასრულდა. თქვენ თვლით რომ ამის გამო ბევრი მსურველი იქნება ვისაც ახლომდებარე ბინის ყიდვა მოუნდება და ბინების ღირებულებაც გაიზრდება. ამიტომ ყიდულობთ ბინას და ელოდებით როდის გაიზრდება უძრავი ქონების ღირებულება, რათა გაყიდოთ და მიიღოთ მოგება. დაახლოებით იგივე ხდება კრიპტოვალუტის შემთხვევაშიც.

თქვენ ყიდულობთ რომელიმე კრიპტოვალუტას, რადგან ფიქრობთ რომ სამომავლოდ მისი ფასი გაიზრდება და შეძლებთ უფრო ძვირად გაყიდოთ. თუ ფასი მართლაც გაიზარდა და ამასთანავე ამ კრიპტოვალუტის შეძენის მსურველები არიან, შეძლებთ გაყიდოთ ის. იმ ფასებს შორის სხვაობა, რომლითაც თქვენ იყიდეთ და გაყიდეთ კრიპტოვალუტა იქნება თქვენი მოგება.

კრიპტოვალუტით ვაჭრობა საქართველოში

მარტივია არა? თუმცა აუცილებლად უნდა გაითვალისწინოთ რამდენიმე გარემოება. კრიპტოვალუტის შეძენა შესაძლებელია მხოლოდ აშშ დოლარითა და სხვა კრიპტოვალუტით. მაგალითად თქვენ გსურთ შეიძინოთ ბიტკოინი, თქვენ ის დოლარით უნდა შეიძინოთ. არ არის აუცილებელი იყიდოთ ერთი ბიტკოინი, თქვენ შეგიძლიათ შეიძინოთ მისი ნაწილი იმ თანხით რისი შესაძლებლობაც გაქვთ.

დოლარით შეგიძლიათ რამდენიმე კრიპტოვალუტის შეძენა, რომელიც ითვლება ყველაზე ძლიერ და გავრცელებულ კრიპტოვალუტად, მაგალითად ბიტკოინი (BTC), ეთერიუმი (ETH) და ლაითკოინი (LTC).

სხვა ნაკლებად ცნობილი და ნაკლებად ღირებული კრიპტოვალუტის შეძენა შეგიძლიათ ზემოთ მოცემული კრიპტოვალუტით. შესაბამისად თუ მაგალითად მონეროს (XMR)  შეძენა გსურთ, ჯერ დოლარით უნდა შეიძინოთ მაგალითად ეთერიუმი, და შემდეგ ეთერიუმით მონერო.

როგორ დავიწყოთ კრიპტოვალუტით ვაჭრობა საქართველოში

რადგან კრიპტოვალუტა დეცენტრალიზებულია, მნიშვნელობა არ აქვს სად ცხოვრობთ. თქვენი საცხოვრებელი ადგილის მიუხედავად შეგიძლიათ დაიწყოთ თქვენთვის სასურველი კრიპტოვალუტით ვაჭრობა. კრიპტოვალუტით ვაჭრობა მიმდინარეობს  კრიპტოვალუტის გაცვლით კომპანიებთან (cryptocurrency exchange) მათ მიერ მოწოდებულ პლატფორმებზე.

კრიპტოვალუტის გაცვლის კომპანიები

იმისათვის რომ იყიდოთ კრიპტოვალუტა საჭიროა გახსნათ ანგარიში კრიპტოვალუტის გაცვლის კომპანიებთან. მას შემდეგ რაც დარეგისტრირდებით  პლატფორმაზე თქვენს ანგარიშზე ჩარიცხავთ თანხას, რომელიც ავტომატურად დაკონვერტირდება დოლარში არსებული გაცვლითი კურსით. მაგალითად თუ საწყის ეტაპზე გსურთ დაიწყოთ ვაჭრობა 100 ლარით, თქვენს ანგარიშზე აისახება  36 აშშ დოლარი. ამ თანხით შეგიძლიათ შეიძინოთ ძირითადი კრიპტოვალუტა მაგალითად ლაითქოინი. ლაითქოინი შეგიძლიათ შეინარჩუნოთ და დაელოდოთ სანამ მისი ფასი გაიზრდება ან გადაცვალოთ სხვა კრიპტოვალუტაში.

უმჯობესი იქნება თუ შეარჩევთ კარგად დაფუძნებულ კომპანიას და მასთან გახსნით ანგარიშს, როგორც წესი ისინი ყველაზე უკეთ უზრუნველყოფენ თქვენი ანგარიშის დაცვას. (ეს მნიშვნელოვანი გარემოებაა, რადგან ძალიან ხშირია ჰაკერული შეტევები მსგავს კომპანიებზე). გარდა ამისა, დიდ კომპანიებთან კრიპტოვალუტის დიდი არჩევანია, ტრანზაქციები უფრო სწრაფი და დაცულია.

დიდი კომპანიები მომხმარებელს სთავაზობენ როგორც სავაჭრო პლატფორმას, ასევე ელექტრონულ საფულეს სადაც შეგიძლიათ შეინახოთ თქვენი კუთვნილი კრიპტოვალუტა. თუმცა ამ კომფორტისათვის დიდი კომპანიები დიდ საკომისიოებს ითხოვენ. შესაბამისად, სანამ გადაწყვეტთ რომელიმე მათგანთან ანგარიშის გახსნას დარწმუნდით რომ საკომისიო გადასახადები ადეკვატურია და შეძლებთ მათ გადახდას.

კრიპტოვალუტის საფულეები

როგორც უკვე მიხვდით, კრიპტოვალუტის ვაჭრობისათვის გჭრიდებათ ორი რამ – პლატფრომა სადაც შეიძენთ და გაყიდით კრიპტოვალუტას და საფულე სადაც შეინახავთ მას. კრიპტოვალუტის გაცვლის კომპანიები მომხმარებელს სთავაზობენ ორივეს, თუმცა როგორც ავღნიშნე, მათ აქვთ დიდი საკომისიოები. თუ გინდათ რომ არ დახარჯოთ ბევრი ფული საკომისიო გადასახადებში და კრიპტოვალუტით ვაჭრობა თქვენთვის მაქსიმალურად მომგებიანი იყოს შეგიძლიათ გამოიყენოთ ორი განსხვავებული კომპანიის მომსახურება ვაჭრობისათვის და კრიპტოვალუტის შესანახად. ბევრი კომპანია სთავაზობს სხვადასხვა ტიპის (hot and cold) საფულეებს. თქვენ შეგიძლიათ გქონდეთ საფულე ერთ კომპანიასთან და მცირე საკომისიოს სანაცვლოდ შეინახოთ თქვენი კრიპტოვალუტა მათთან, და მეორეს მხრივ ნახოთ სანდო პლატფორმა სადაც ასევე მცირე საკომისიოს სანაცვლოდ ივაჭრებთ ბიტკოინით და სხვა კრიპტოვალუტით.

კრიპტოვალუტით ვაჭრობის უარყოფითი მხარეები

ყველაფერს აქვს ორი მხარე, მათ შორის კრიპტოვალუტით ვაჭრობასაც. გასულ წლებში ბიტკოინით ვაჭრობამ ბევრი ადამიანი გაამდიდრა, მათ შორის საქართველოშიც. კრიპტოვალუტით ვაჭრობის დადებითი მხარე სწორედ ის შესაძლო მოგებაა, რისი მიღებაც ინვესტორს შეუძლია.

რა არის ბიტკოინი

მაღალი რისკი

ისინი ვინც ამ პერიოდში სკეპტიკურად უყურებდა ბიტკოინს, ახლა ყურადღებით აკვირდება სხვა კრიპტოვალუტას, იმის იმედით, რომ რომელიმე მათგანი გაიმეორებს ბიტკოინის წარმატებას. თუმცა, რამდენადაც კრიპტოვალუტას არ აქვს ჩვეულებრივი ვალუტის დამახასიათებელი თვისებები, რთულია იმის განსაზვრა გაიზრდება თუ არა კონკრეტული კრიპტოვალუტის ღირებულება. შესაბამისად არსებობს დიდი რისკი, რომ კრიპტოვალუტის ფასი, რომელსაც იმედიანად უყურებდით დარჩება იგივე, ან საერთოდაც დაეცემა. სხვა შემთხვევაში, შეიძლება აღმოაჩინოთ რომ თქვენი კრიპტოვალუტის ყიდვა არავის არ უნდა. შესაბამისად რისკი იმისა, რომ სწორად ვერ განსაზღვრავთ ღირებულების ცვლილებას, ან ვერ გაყიდით კრიპტოვალუტას საკმაოდ დიდია. ასეთ შემთხვევაში დაკარგავთ ფულს, და დაგრჩებათ კრიპტოვალუტა რომელიც არავის უნდა.

პლატფორმების დაუცველობა

კიდევ ერთი უარყოფითი მხარე დაუცველობაა. მიუხედავად იმისა, რომ კომპანიები მუდმივად ცდილობენ გაძლიერებული უსაფრთხოება შესთავაზონ მომხმარებლებს, დიდი კომპანიები არაერთხელ გამხდარან ჰაკერული თავდასხმის მსხვეპრლნი, რომლის შედეგად მომხმარებლის კუთვნილი კრიპტოვალუტა და ფული უგზოუკვლოდ დაიკარგა. პრობლემად რჩევა ასევე კომპანიები რომლებიც თაღლითური გზითა და დაპირებებით ცდილობენ დაგარწმუნოთ ინვესტიცია ჩადოთ სხვადასხვა კრიპტოვალუტაში.

გრძელვადიანი ინვესტიცია

კრიპტოვალუტის ყიდვა შედარებით გრძელვადიანი ინვესტიციაა. თქვენ უნდა შეიძინოთ კრიპტოვალუტა და ელოდოთ სანამ გაიზრდება მისი ღირებულება რათა გაყიდოთ. შესაბამისად შესაძლოა დიდი ხნის განმავლობაში ვერ მიიღოთ მოგება. თვითონ მოგების მარჟაც შესაძლოა საკმაოდ დაბალი იყოს. თუ გაგიმართლებთ და თქვენ მიერ შეძენილი კრიპტოვალუტის ფასი რამდენჯერმე გაიზრდება (როგორც მაგალითად ბიტკოინის ფასი 2017 წელს) შეძლებთ დიდი მოგება ნახოთ. სხვა შემთხვევაში თქვენი მოგება არცთუისე დიდი იქნება.  ამასთანავე, უნდა გაითვალისწინოთ რომ კრიპტოვალუტით მაქსიმალური სარგებლის მისაღებად დაგჭირდებათ შედარებით მეტი ინვესტიციის ჩადება.

კრიპტოვალუტით ვაჭრობის ალტერნატივა

ბევრ ადამიანს უნდა ბიტკოინითა და სხვა კრიპტოვალუტით ვაჭრობა საქართველოში, თუმცა ზემოთ აღნიშნული მიზეზების გამო თავს იკავებს. კრიპტოვალუტით ვაჭრობა მოითხოვს შედარებით დიდ ინვესტიციასა და დიდ დროს, ამასთანავე, რადგან ფასთა ცვლილების განსაზღვრა რთულია კრიპტოვალუტით ვაჭრობა რისკიან ინვესტიციად მიიჩნევია. რა უნდა ვქნათ მაშინ, როდესაც გვინდა კრიპტოვალუტის ინდუსტრიაში ჩართვა ისე, რომ მსგავსი საკითხები არ გვაწუხებდეს? კიდევ ერთი შესაძლებლობა რაც კრიპტო ენთუზიასტებს აქვთ არის CFD (Contracts For Differences) – კონტრაქტი ფასთა შორის სხვაობაზე.

მას შემდეგ რაც კრიპტოვალუტით ვაჭრობა განსაკუთრებით პოპულარული გახდა ბევრმა ფორექს ბროკერმა დაიწყო ალტერნატივის შეთავაზება. დღეისათვის თითქმის ყველა ფორექს და CFD ბროკერთან შეგიძლიათ კრიპტოვალუტის ფასით სპეკულირება.

ბიტკოინით ვაჭრობა

რა განსხვავებაა კრიპტოვალუტასა და  CFD – ით ვაჭრობას შორის

მთავარი განსხვავება კრიპტოვალუტით ვაჭრობასა და CFD ვაჭრობას შორის არის კრიპტოვალუტის ფლობა. იმისათვის რომ კრიპტოვალუტით ივაჭროთ საჭიროა რომ იყიდოთ ის. CFD-ით ვაჭრობის დროს თქვენ არ ყიდულობთ და ყიდით კრიპტოვალუტას უბრალოდ სპეკულირებთ მისი ფასით.

ვაჭრობა კრიპტოვალუტის კონტრაქტით ფასთა შორის სხვაობაზე მიმდინარეობს ფორექს და CFD ბროკერთან. მას შემდეგ რაც შეარჩევთ კრიპტოვალუტის წყვილს რომლის ფასით სპეკულირებაც გსურთ, შეგიძლიათ შეამოწმოთ გთავაზობთ თუ არა ამ წყვილით ვაჭრობას ესა თუ ის ბროკერი.

ვთქვათ გსურთ ბიტკოინის ფასით სპეკულირება დოლართან მიმართებაში, ეს წყვილი ფორექს ბროკერის პლატფორმაზე მოცემულია როგორც BTC:USD.  პოზიციის გახსნამდე უნდა იცოდეთ რა არის ბიტკოინის ფასი მოცემული მომენტისათვის.  ვაჭრობის დაწყებისას თქვენ მიიღებს ბილეთს რომელშიც მოცემულია გაყიდვისა (sell/bid price) და ყიდვის ფასი (buy/offer price). თქვენ უნდა გახსნათ პოზიცია თქვენი მოლოდინის მიხედვით. თუ თქვენ დარწმუნებული ხართ, რომ ბიტკოინის ფასი გაიზრდება იყიდით, ხოლო თუ გგონიათ რომ ფასი დაეცემა გაყიდით. შესაბამისად თუ თქვენი მოლოდინი გამართლდა იღებთ მოგებას.

CFD- ით ვაჭრობის დადებითი და უარყოფითი მხარეები

  • განსხვავებით კრიპტოვალუტის ინდუსტრიისაგან ფორექს და CFD ით ვაჭრობა რეგულირებულია, შესაბამისად შეგიძლიათ შეარჩიოთ ლიცენზირებული ბროკერი რომელთან ვაჭრობის დროსაც დაცული ხართ თაღლითობისაგან.
  • CFD-ით ვაჭრობის დროს შეგიძლიათ გამოიყენოთ მარგინალური ვაჭრობა და საკრედიტო მხარი. ეს საშუალებას მოგცემთ ივაჭროთ ნაკლები თანხით და მიიღოთ მეტი მოგება რაც რეალური კრიპტოვალუტით ვაჭრობის შემთხვევაში შეუძლებელია.
  • CFD-ით ვაჭრობა გაცილებით უფრო სწაფად მიმდინარეობს. თქვენ პოზიცია შეგიძლიათ გახსნათ და დახუროთ რამდენიმე წუთის განმავლობაში და მიიღოთ მოგება. ასევე მუდმივ რეჟიმში აკონტროლოთ რისკები და დახუროთ პოზიცია როგორც კი ნახავთ რომ წამგებიანი პოზიცია გაქვთ. მაშინ, როდესაც კრიპტოვალუტით ვაჭრობის დროს მოგიწევთ ელოდოთ ფასის ცვლილებას, გარდა ამისა, რისკები უნდა განსაზღვროთ კრიპტოს ყიდვამდე.
  • CFD-ით ვაჭრობა ნაკლებ ხარჯებთანაა დაკავშირებული. ბროკერები ძირითადად მოგებას იღებენ სპრედების საშუალების. სპრედი ეწოდება ყიდვა-გაყიდვის ფასებს შორის სხვაობას, როგორც წესი სპრედში გათვალისწინებულია ბროკერის მოგება, რის გამოც არ გიწევთ დამატებით საკომისიოს გადახდა.

რაც შეეხება უარყოფით მხარეებს – CFD ით ვაჭრობა რისკის შემცველია. დამწყებ ტრეიდერებს როგორც წესი არ აქვთ საკმარისი ცოდნა და გამოცდილება რომ უსაფრთხოდ და მომგებიანად ივაჭრონ. შესაბამისად, სანამ გადაწყვეტთ ვაჭრობის დაწყებას უნდა დარწმუნდეთ რომ იცით როგორ წარიმართება ვაჭრობა და ბოლომდე აცნობიერებთ მასთან დაკავშირებულ ფულად რისკებს.

სად შეიძლება ვივაჭროთ კრიპტოვალუტის CFD -ებით?

კრიპტოვალუტის CFD-ებით ვაჭრობა შესაძლებელია ფორექს და CFD ბროკერებთან. თითქმის ყველა საბროკერო კომპანია სთავაზობს ტრეიდერებს CFD -ებს სხვადასხვა კრიპტოვალუტაზე. უმეტესად ბროკერები სთავაზობენ CFD -ებს ძირითად კრიპტოვალუტებზე, მათ შორისაა ბიტკოინი, ლაითკოინი, რიპლი, ეთერიუმი და ბიტკოინ ქეში, როგორც მაგალითად  XM რომელთანაც სწორედ ამ კრიპტოვალუტებით ვაჭრობას შეძლებთ. ზოგიერთი ბროკერი კიდევ უფრო მეტ კრიპტოვალუტას სთავაზობს მომხმარებელს. ამიტომ საბროკერო კომპანიის შერჩევისას ,სხვა დანარჩენ მახასიათებლებთან ერთად, უნდა გაითვალისწინოთ რომელ სავაჭრო ინსტრუმენტებს სთავაზობს ის ტრეიდერებს და დარწმუნდეთ რომ თქვენთვის სასურველი კრიპტოვალუტის წყვილები ხელმისაწვდომია ბროკერის პლატფორმაზე.

რა ახდენს გავლენას კრიპტოვალუტის ფასზე

მნიშვნელობა არ აქვს რეალური კრიპტოვალუტით ივაჭრებთ თუ მისი ფასის სპეკულირებით, ორივე შემთხვევაში მნიშნველოვანია სწორად განსაზღვროთ კრიპტოვალუტის ფასის მოსალოდნელი ცვლილება. ეს გაცილებით მარტივი იყო ბიტკოინის შემთხვევაში, როდესაც ფასი მუდმივად იზრდებოდა. ასეთ შემთხვევაშიც კი, ბიტკოინს ყიდულობდნენ არა ფასის ანალიზის საფუძველზე, არამედ ოპტიმიზმის გამო. დღეს, როდესაც უამრავი სხვა კრიპტოვალუტა არსებობს კიდევ უფრო რთულია ფასის ცვლილების განსაზღვრა.

ძირითადი მიზეზი, რაც განაპირობებდა ბიტკოინის ფასის ზრდას იყო მისი პოპულარობა, რაც მეტ ადამიანს უნდოდა მისი შეძენა, მით უფრო მეტად იზრდებოდა ფასი. მას შემდეგ რაც ფასმა გარკვეულ ნიშნულს მიაღწია, როდესაც ადამიანებს აღარ შეეძლოთ ბიტკოინის ყიდვა, მასზე მოთხოვნამ დაიკლო რასაც ფასის კლება მოყვა.

ჯერ-ჯერობით იმ ფაქტორების განსაზღვრა რაც განაპირობებს ფასის ცვალებადობას ძალიან რთულია. ხშირ შემთხვევაში კრიპტოვალუტის ბაზარი დამოკიდებულია ბიტკოინის ფასის ცვლილებაზე. კანონზომიერების მიხედვით თუ ბიტკოინის ფასი ეცემა, მას მთელი რიგი კრიპტოვალუტა მიყვება და პირიქით. თუმცა რასაკვირველია არსებობს გამონაკლისი შემთხვევებიც.

მნიშვნელოვანია, რომ სანამ კრიპტოვალუტით ვაჭრობას დაიწყებდეთ (და შემდეგაც) მუდმივად დააკვირდეთ ფასის ცვლილებებს და ნახოთ ამ ცვლილებების ანალიზები რათა თავადაც შეძლოთ განსაზღვრა რა მიმართულებით შეიცვლება ბაზარი.

უნდა ვივაჭროთ თუ არა კრიპტოვალუტით

როგორც ნახეთ კრიპტოვალუტით ვაჭრობას აქვს როგორც დადებითი ასევე უარყოფითი თვისებები.  თუ ფიქრობთ რომ მზად ხართ ინვესტიციისათის რომელიც მოითხოვს დროსა და ფინანსებს, შეგიძლიათ შეიძინოთ თქვენთვის სასურველი ელექტრონული ვალუტა და დაელოდოთ მისი ფასის ზრდას, რათა მოგვიანებით გაყიდოთ და მიიღოთ მოგება. სხვა შემთხვევაში შეგიძლიათ ივაჭროთ CFD-ით ლიცენზირებულ ფორექს ბროკერებთან რომლებიც მომხმარებელს სთავაზობენ კრიპტოვალუტის ფასით სპეკულირებას. ასეთ შემთხვევაშიც მოგიწევთ კარგად გაიაზროთ დადებითი და უარყოფითი მხარეები და ვაჭრობასთან დაკავშირებული რისკები. ახლა, როცა სრული ინფომარცია გაქვთ კრიპტოვალუტასთან და ვაჭრობასთან დაკავშირებით შეგიძლიათ თავად აარჩიოთ ვაჭრობის რომელი ვარიანტი არის თქვენთვის მისაღები და თავად მიიღოთ გადაწყვეტილება.