როგორ და რატომ უნდა იყიდოთ ოქრო

როგორ და რატომ უნდა იყიდოთ ოქრო post thumbnail image

“ოქრო და ვერცხლი არის ფული, დანარჩენი ყველაფერი კრედიტია”- J.P Morgan. მიუხედავად იმისა, რომ ამ ფრაზის თქმის შემდეგ ერთ საუკუნეზე მეტი გავიდა, ის მაინც არ კარგავს აქტუალობას. ოქრო დღესაც ითვლება ერთ-ერთ საუკესო აქტივად ინვესტორებისათვის მსოფლიოს გარშემო.

ოქროს ისტორიას შორეულ წარსულში მივყავართ. სავარაუდოა, რომ ოქროს მოიპოვებდნენ ჯერ კიდევ 7000 წელს ჩვენს წელთაღრიცხვამდე და იყენებდნენ როგორც საქონლის ყიდვის საშუალებას. მას შემდეგ ოქროს ვხვდებით ყველა დიდი ცივილიზაციის ისტორიაში. ოქრო მიმზიდველი მეტალია,  არ განიცდის კოროზიას, არსებობს შეზღუდული რაოდენობით და არ კარგავს ღირებულებას. სწორედ ამ თვისებების გამო ცივილიზაციები ისტორიის განმავლობაში თანხმდებოდნენ მის ღირებულებაზე და იყენებდნენ ოქროს როგორც საქონლის ყიდვა-გაყიდვის უნივერსალურ საშუალებად. ამიტომაც, უძველესმა იმპერიებმა დაიწყეს ოქროს მონეტების მოჭრა და მათი გამოყენება სავაჭრო საქმიანობისათვის.

თუმცა ოქრო, როგორც  მონოპოლური ფულადი საქონელი მხოლოდ მეცხრამეტე საუკუნეში დამკვიდრდა, როდესაც მსოფლიოში ყველა არსებული ვალუტა ეფუძნებოდა ოქროს სტანდარტს. ეს ნიშნავს რომ ევრო, დოლარი და ყველა სხვა ვალუტა გამყარებული იყო სახელმწიფო ხაზინაში არსებული ოქროთი. ამ პერიოდში ქაღალდის კუპიურა ასრულებდა ოქროს მოწმობის როლს და მისი გადაცვლა თავისუფლად იყო შესაძლებელი ოქროზე. პირველი ქვეყანა რომელმაც ოქროს სტანდარტზე უარი თქვა დიდი ბრიტანეთი იყო. მან ოქროს სტანდარტი პირველი მსოფლიო ომის დროს მიატოვა, მალე მას სხვა ქვეყნებმაც მიბაძეს და უკვე მეოცე საუკუნეში ოქროს სტანდარტი გაუქმდა. ამას ოქროს, როგორც აქტივის ღირებულებაზე არ უმოქედია და ოქროში ინვესტირება კვლავ პოპულარულია.

სტატიაში წაიკითხავთ:

  • ოქროში ინვესტირების რა შესაძლებლობები გაქვთ საქართველოში
  • რა ფორმით უნდა შეიძინოთ ოქრო
  • სად შეგიძლიათ შეიძინოთ ოქრო სხვადასხვა ფორმით საქართველოში
  • ოქროში ინვესტირების დადებითი და უარყოფითი მხარეები
  • რა არის ოქროს სერთიფიკატი და როგორ უნდა შეიძინოთ ის
  • რა არის ვაჭრობა კონტრაქტით ფასთა შორის ცვლილებაზე

ოქრო როგორც ერთ-ერთი საუკეთესო აქტივი

ხშირად ოქროში ინვესტიციას ინვესტირების მოძველებულ მეთოდს უწოდებენ. ოქროში ფულის დაბანდება ინვესტიციის მართლაც ერთ-ერთი ყველაზე ძველი და თანაც, ყველაზე ნაკლებად რისკიანი საშუალებაა, რადგან ოქროს ფასი მკვეთრად არ იცვლება და ოქრო, როგორც აქტივი არ უფასურდება. რა თქმა უნდა, ისტორიაში არსებობს თარიღები, როდესაც ოქროს ფასი მკვეთრად დაეცა, თუმცა, როგორც წესი ნეგატიური ტრენდი დიდი ხნის განმავლობაში არ გრძელდება  და ფასი კვლავ იზრდება. ბევრი ფიქრობს, რომ ოქროში ფულის ჩადება მომგებიანი აღარ არის და ჯობია ინვესტორებმა ფული სხვა ტიპის აქტივებში დააბანდონ, მაგალითად აქციებში, თუმცა დღესაც  ბევრი ინვესტორი მიიჩნევს, რომ ოქროში ფულის დაბანდება ინვესტიციის საუკეთესო ფორმაა.

ოქროში ინვესტირების რამდენიმე სახე არსებობს, პირველი და ყველაზე ტრადიციული ოქროს საიუველირო ნაკეთობების, ოქროს მონეტებისა და ზოდების შეძენაა. გავრცელებულია ასევე ოქროს სერთიფიკატების შეძენა. ისინი, ვისაც არ სურს, ან არ აქვს ფინანსური შესაძლებლობა შეიძინოს ფიზიკური ოქრო, ვაჭრობენ კონტრაქტით ოქროს ფასთა სხვაობაზე.  მოდით განვიხილოთ თითოეული მათგანი და მათი დადებითი და უარყოფითი მხარეები.

დაიწყე CFD-ებით ვაჭრობა ოქროზე XM-თან!

ინვესტირება ოქროში

ფიზიკური ოქროს ყიდვა

ფიზიკური ოქროს შეძენა ძვირფას ლითონებში ინვესტირების ყველაზე გავრცელებული სახეობაა. ფიზიკურ ოქროს სხვადასხვა სახით ყიდულობენ ინვესტიციისა და დაზღვევის მიზნით. თუ თქვენ გაქვთ დაგროვებული თანხა ან თავისუფალი საინვესტიციო კაპიტალი თქვენ შეგიძლიათ იყიდოთ ფიზიკური ოქრო რომელიმე სახით და ამით დაიცვათ თქვენი თანხა გაუფასურებისაგან. ოქრო შეიძლება ჩაითვალოს კაპიტალის დაზღვევის საუკეთესო საშუალებად. მაგალითად, რობერ კიუსაკი, ინვესტორი და ერთ-ერთი ყველაზე პოპულარული ფინანსური წიგნის “მდიდარი მამა, ღარიბი მამა”-ს ავტორი ოქროს ყველაზე სანდო და რეალურ აქტივად მიიჩნევს არა მხოლოდ კაპიტალის გასაზრდელად, არამედ მისი, როგორც პიროვნების მსყიდველობითი უნარის შესანარჩუნებისა და დაზღვევისათვის. როგორც თავად ხსნის, ოქრო და ვერცხლი ის აქტივებია, რომლებსაც საერთო აქვს რეალობასთან. მიუხედავად იმისა, რომ კიუსაკი თავად ამბობს რომ უჭირს ოქროს სამომავლო ფასის განსაზღვრა, ის მაინც თვლის რომ ოქრო როგორც მოკლე ასევე გრძელვადიანი ინვესტიციებისათვის ბევრად უფრო  უკეთესია ვიდრე აქციები და უძრავი ქონება.

ოქროს ყიდვა საქართველოში ისევე გავრცელებულია როგორც მსოფლიოს სხვა ქვეყნებში.  აქ ოქროს ყიდვის ზოგიერთი ფორმას უკეთ ვიცნობთ ვიდრე დანარჩენებს. მაგალითად ოქროს საიუველირო ნაკეთობების შეძენა. ადამიანები ხშირად ყიდულობენ ოქროს ნაკეთობებს დაგროვებული ფულით. ასეთ შემთხვევაში, ისინი იცავენ თავიანთ ფულს გაუფასურებისაგან, ამასთანავე ყიდულობენ ოქროს სამკაულებსა და ნივთებს იმ მოლოდინით, რომ დროთა განმავლობაში ოქროს ფასი გაიზრდება და საჭიროების შემთხვევაში ისინი გაყიდიან და მიიღებენ უფრო მეტს, ვიდრე გადაიხადეს.  მიუხედავად იმისა, რომ ოქრო მიიჩნევა სტაბილურ ინვესტიციად, ეს არ ნიშნავს რომ მისი ფასი დროთა განმავლობაში არ გაიზრდება. მაგალითად ერთი უნცია ოქროს ფასი 2000 წელს 272.65 აშშ დოლარი იყო, ხოლო 2010 წელს ერთი უნცია ოქროს ფასმა $1,420.25 აშშ დოლარს მიაღწია. შესაბამისად, თუ თქვენ იყიდდით ერთ უნცია ოქროს 2000 წელს 2010 წელს მას 5.2-ჯერ უფრო ძვირად გაყიდდით.

ინვესტორები ძირითადად ორი სახის ოქროს ყიდულობენ – ოქროს მონეტებსა და ოქროს ზოდებს.

ოქროს მონეტები

რადგან წმინდა ოქრო მინარევების გარეშე ძალიან რბილია, ოქროს მონეტებისთვის იყენებენ ოქროს შენადნობებს. ოქროში ურევენ სხვა მეტალებს რომ მისცენ მონეტებს მეტი გამძლეობა. ოქროს მონეტებს ქვეყნის ეროვნული ბანკი ჭრის, როგორც წესი, ისინი იჭრება რაიმე თარიღის აღსანიშნავად საიუბილეოდ და გამოიცემა ლიმიტირებული რაოდენობით. საიუბილეო ოქროს მონეტებს ძირითადად კოლექციონერები და მცირე კაპიტალის მქონე ინვესტორები ყიდულობენ. ასეთი მონეტებია მაგალითად ამერიკის შეერთებული შტატების მიერ მოჭრილი ოქროს არწივი და ოქროს ბუფალო, კანადური ოქროს ნეკერჩხლის ფოთოლი. არსებობს ქართული საინვესტიციო ოქროს მონეტებიც რომელთაც საქართველოს ეროვნული ბანკი უშვებს, მაგალითად “ოქროს საწმისი.”
ოქროს მონეტების შეძენა განსაკუთრებით პოპულარულია მცირე კაპიტალის მქონე ინვესტორებში, რომელთაც არ შეუძლიათ ოქროს ზოდების შეძენა. გარდა ამისა, მონეტები გაცილებით მცირე ადგილს იკავებს და მათი შენახვა უფრო მარტივია.

ოქროს ბუილონები

ოქროში ინვესტირების კიდევ ერთი მეთოდია ოქროს ბუილონების შეძენა.  ბუილონები გვხვდება ოქროს ზოდებისა და ინგოტების სახით. ეს ოქროს ის ფორმაა რომელსაც ხშირად ნახავთ ჰოლივუდურ ბლოგბასტერებში ნაჩვენებ ბანკის საცავებში. თუ ოქროს მონეტების ღირებულება ნომინალში იზომება, ოქროს ბუილონების ღირებულება დგება მისი სიწმინდისა და წონის შესაბამისად და არა მისი ნომინალური ღირებულების მიხედვით. სწორედ ამიტომ, ოქროს ბუილონების შეძენა ოქროში ინვესტირების ერთ-ერთ საუკეთესო გზადაა მიჩნეული.
მსხვილი ინვესტორები, რომელთაც ოქროში ინვესტირება სურთ სწორედ ოქროს ზოდებსა და ინგოტებს ყიდულობენ.

სად შეგიძლიათ შეიძინოთ ოქრო საქართველოში

ოქროს შეძენა ნამდვილად არაა პრობლემა, განსაკუთრებით დღეს, როდესაც ინტერნეტით ყველაფრის ყიდვაა შესაძლებელი, მათ შორის ოქროს ზოდებისაც. ყველაზე მარტივი, რასაკვირველია ოქროს საიუველირო ნაკეთობების შეძენაა. ისინი შეგიძლიათ შეიძინოთ კომერციულ დაწესებულებებში, ოქროს ბირჟაზე ან ფიზიკური პირებისაგან. თუმცა აუცილებელია რომ წინასწარ შეამოწმებინოთ ოქროს სინჯი და მხოლოდ ამის შემდეგ შეიძინოთ ის.  რაც შეეხება ქართულ საინვესტიციო მონეტებს, მათი შეძენა კოლექციონერებისაგან ან პირდაპირ ეროვნული ბანკისგან შეგიძლიათ ონლაინ, ან ქართული ფულის მუზეუმში.

თუ თქვენ გსურთ შეიძინოთ სხვა საკოლექციო და საინვესტიციო მონეტები ან ოქროს ბუილონები, შეგიძლიათ იყიდოთ ისინი ინტერნეტის საშუალებით. ამისთვის ბევრი ვებ-გვერდი არსებობს, რომლებიც თქვენს მიერ მითითებულ მისამართზე გამოგიგზავნიან თქვენს მიერ შერჩეულ ოქროს მონეტასა თუ ზოდს. თქვენ მხოლოდ უნდა მიუთითოთ თქვენთვის სასურველი წონა და რაოდენობა. თუმცა, თუ ოქროს ინტერნეტით შეძენას გადაწყვეტთ, აუცილებლად უნდა გაითვალისწინოთ შემდეგი გარემოებები:

  • თუ თქვენი საინვესტიციო თანხა დიდია და გსურთ დიდი რაოდენობის ოქროს შეძენა, ნუ შეიძენთ დიდი ზომის ოქროს ბუილონებს. ამის ნაცვლად, ჯობია შეიძინოთ რამდენიმე მცირე ზომის ოქროს ზოდი. ასე უფრო გაგიადვილდებათ მათი შენახვა. გარდა ამისა, თქვენ შეიძლება გსურთ იყიდოთ დიდი ზომისა და რაოდენობის ოქრო, მაგრამ თუ წლების შემდეგ მის გაყიდვას გადაწყვეტთ, შეიძლება ვერ იპოვოთ მყიდველი, რომელსაც ამავე რაოდენობისა და ზომის ოქროს შეძენა ექნება გადაწყვეტილი. ასეთ შემთხვევაში თქვენთვის უმჯობესია თუ გექნებათ ოქროს რამდენიმე ნაჭერი, რომელსაც სხვადასხვა მყიდველს მიყიდით.
  • ინტერნეტით ყიდვის შემთხვევაში უნდა გაითვალისწინოთ რომ შეიძლება ოქროს ფასი მოცემული იყოს ერთიანად. რაც გულისხმობს იმას, რომ გასაყიდ ფასში გამყიდველს შეიძლება შეყვანილი ჰქონდეს ოქროს ტრანსპორტირების ფასი და მომსახურეობის საკომისიო, ასევე მისი მოგება. ამიტომ, სანამ შეძენას გადაწყვეტდეთ შეამოწმეთ ოქროს ფასი იმ მომენტში და დაწრმუნდით რომ ტრანსპორტისა თუ მომსახურეობის თანხები ადეკვატური და თქვენთვის მისაღებია.
  • ინტერნეტით ნებისმიერი ნივთის შეძენა გარკვეულ რისკთანაა დაკავშირებული, თუ დარწმუნებული არ ხართ გამყიდველის სანდოობაში ჯობს საერთოდ არ იყიდოთ მისგან. ეს განსაკუთრებით მნიშვნელოვანია, როცა საუბარი დიდ თანხებზეა. სამწუხაროდ, ინტერნეტის საშუალებით შეუძლებელია შეამოწმოთ თქვენ მიერ შერჩეული ოქროს სინჯი, შესაბამისად კარგად უნდა შეარჩიოთ სად ყიდულობთ ოქროს და დარწმუნდეთ რომ ვებსაიტი ნამდვილად სანდოა, რათა არ გახდეთ თაღლითობის მსხვერპლი.

ოქროში ინვესტირების დადებითი მხარეები

ასე თუ ისე, უკვე შევეხეთ იმ დადებით მხარეებს რაც ოქროში თანხის ინვესტირებას აქვს, მოდით უკეთ განვიხილოთ თითეული მათგანი და ვნახოთ მაინც რატომაა ოქრო ერთი-ერთი ყველაზე პოპულარული აქტივი.

როგორ დავაბანდოთ ფული ოქროში

შეგიძლიათ გქონდეთ რამდენი ხანიც გსურთ

როდესაც თქვენ ფლობთ ოქროს ის შეგიძლიათ გქონდეთ იმდენი ხანი, რამდენიც გსურთ. შეგიძლიათ შეიძინოთ ოქრო და არ გაყიდოთ მომდევნო 20, 30 ან მეტი წლის განმავლობაში. ეს სრულებით თქვენზეა დამოკიდებული. რადგან ოქროს ღირებულება მკვეთრად არ იცვლება, შეგიძლიათ იქონიოთ ის დიდი ხნის განმავლობაში თუ ფასი სტაბილურია და არ იზრდება და გაყიდოთ მაშინ, როდესაც მისი ფასი აიწევს. გარდა ამისა, რადგან ოქროზე მუდმივად არსებობს მოთხოვნა, თქვენ დაცული ხართ აქტივის გაუფასურებისაგან. ოქრო ფასეულია საუკუნეების განმავლობაში და საეჭვოა, რომ ფასი დაკარგოს მომდევნო 100 წლის მანძილზე.  უფრო მეტიც, ბოლო 200 წლის განმავლობაში ოქროს ფასი დაახლოებით 75-ჯერ გაიზარდა.

ოქრო მუდმივად მომგებიანია

როგორც ავღნიშნე, მიუხედავად იმისა, რომ ოქროს ფასი მკვეთრი ცვლილებებით არ გამოირჩევა, ის მომგებიან აქტივად ითვლება. მისი ფასი მდგრადად იზრდება წლების განმავლობაში. მიუხედავად იმისა, რომ ბოლო წლებში ოქროს ფასი რამდენჯერმე დაეცა, მოკლე დროის შემდეგ ის ისევ გაიზარდა.  მაგალითად ბოლო 5 წლის განმავლობაში, ოქროს ივაჭრებოდა მინიმუმ 1050.80 აშშ დოლარით, ხოლო მაქსმიმალური ფასი 1417.50 აშშ დოლარი იყო.

მაღალი ლიკვიდურობა

ოქრო ხასიათდება მაღალი ლიკვიდურობით, შესაბამისად მისი გადაცვლა ფულში ძალიან მარტივია. რაც არ უნდა იყოს ოქროს ფასი მოცემული მომენტისათვის როდესაც მისი გაყიდვა გსურთ, თქვენ შეძლებთ გაყიდოთ ოქრო რადგან ყიდვის მსურველები მუდმივად არიან.  სხვა სიტყვებით რომ ვთქვათ, ოქროზე ყოველთვის მაღალი მოთხოვნაა.

ოქრო საიმედო ინვესტიციაა

სწორედ იმ დადებითი მახასიათებლების გამო, რომლებზეც ზემოთ ვისაუბრე, ოქრო ყველაზე საიმედო ივნესტიციად ითვლება. მაგალითად თუ თქვენ შეიძენთ აქციებს გრძელვადიანი ინვესტიციის მიზნით, შესაძლოა აქციების ფასი მნიშვნელოვნად დაეცეს, ან კომპანია, რომლის აქციებიც შეძენილი გაქვთ საერთოდ გაკოტრდეს. ამის ალბათობა, მართალია დაბალია, თუ აქციებს სწორად შეარჩევთ, მაგრამ მაინც არსებობს. ნებისმიერი პროდუქტის თუ სერვისის წარმატება დამოკიდებულია მოთხოვნაზე. თუმცა ოქროს ღირებულება ყველაზე მეტადაა თავისუფალი ამისგან და შესაბამისად ოქრო ყველაზე რეალურ და საიმედო აქტივად ითვლება.

ოქროში ინვესტირების უარყოფითი მხარეები

ოქროს შეძენას უარყოფითი მხარეებიც აქვს, რომლებიც აუცილებლად უნდა გაითვალისწინოთ სანამ ოქროში ფულის ჩადებას გადაწყვეტთ. თქვენი შესაძლებლობებიდან და მიზნებიდან გამომდინარე, შესაძლოა თქვენთვის ეს უარყოფითი მხარეები სრულად არარელევანტური იყოს. თუმცა ზოგიერთისთვის ამ მხარეების შესახებ ინფორმაციის ქონა შესაძლოა ძალიან მნიშვნელოვანი იყოს.

ოქროთი ვაჭრობა საქართველოში

ოქროს ყიდვა გრძელვადიანი ინვესტიციაა

თუ თქვენ ოქროში ინვესტირება გაქვთ გადაწყვეტილი უნდა გაითვალისწინოთ, რომ ეს გრძელვადიანი ინვესტიციაა. სავსებით შესაძლებელია რომ ერთი წლის განმავლობაში ოქროს ფასი ძალიან მცირედ შეიცვალოს. შესაბამისად, თუ თქვენ გსურთ მოკლე დროში მიიღოთ თქვენი ინვესტიციიდან სარგებელი, შესაძლოა ოქრო თქვენთვის საუკეთესო აქტივი არ იყოს.

ოქროს ტრანსპორტირება –  შენახვა

ოქროს ტრანსპორტირება და შენახვაც შეიძლება უარყოფით მხარეებად ჩაითვალოს რადგან ის დაკავშირებულია დამატებით ხარჯებთან. თუ თქვენ ოქროს ინტერნეტით შეიძენთ, მოგიწევთ საკმაოდ მსხვილი თანხის გადახდა მისი ტრანსპორტირებისათვის. ასევე პრობლემურია ოქროს შენახვაც. რა თქმა უნდა, თქვენ არ გსურთ ოქრო თქვენი სამუშაო მაგიდი უჯრაში შეინახოთ და სახლიდან გასვლის შემდეგ მუდამ შფოთავდეთ ამის გამო. თუ გადაწყვეტთ რომ თქვენი სახლი საუკეთესო ადგილია ოქროს შესანახად, უმჯობესია თუ სეიფს შეიძენთ. ასეთ შემთხვევაშიც, ბოლომდე დაზღვეული ვერ იქნებით. საუკეთესო ადგილი ოქროს შესანახად ბანკია. შეგიძლიათ დაიქირაოთ სეიფი ბანკში და იქ შეინახოთ ოქრო, თუმცა ასეთ შემთხვევაშიც დამატებით ხარჯების გაწევა მოგიწევთ.

ოქროს სერთიფიკატი

თუ თქვენ მაინც გსურთ შეიძინოთ ოქრო, მაგრამ გინდათ თავიდან აირიდოთ ტრანსპორტირების ხარჯები ან ოქროს შენახვაზე და დაცვაზე შფოთვა და ნერვიულობა, შეგიძლიათ შეიძინოთ ოქროს სერთიფიკატი.  რა არის ოქროს სერთიფიკატი და რას ნიშნავს მისი ფლობა?

რა არის ოქროს სერთიფიკატი

ოქროს სერთიფიკატის ფლობა არის ფაქტიურად იგივე რაც ოქროს შეძენა. განსხვავება ისაა, რომ თქვენ არ მოგაქვთ სახლში ოქროს ზოდი სეიფში შესანახად. არამედ ფლობთ ფასიან ქაღალდს, რომელიც უვადო და უპროცენტოა. რაც შეეხება თქვენს ოქროს, ის განთავსებული და დაცულია ეროვნულ ბანკში. თქვენ შეგიძლიათ ფლობდეთ ოქროს სერთიფიკატს იმდენი ხანი, რამდენი ხნითაც გსურთ. როდესაც თქვენი ოქროს ზოდის გაყიდვას გადაწყვეტთ, შეგიძლიათ მიხვიდეთ ეროვნულ ბანკში, წარადგინოთ სერთიფიკატი და მოითხოვოთ თქვენი ოქროს აღება. ეროვნული ბანკი, თავის მხრივ ვალდებულია გადმოგცეთ ოქროს ზოდი განსაზღვრულ ვადაში.

თქვენ შეგიძლიათ შეიძინოთ ორი ტიპის ოქროს სერთიფიკატი – ოქროს ზოდის ან ოქროს საინვესტიციო სერთიფიკატი. ოქროს სერთიფიკატის ფლობა იგივა რაც ოქროს ფლობა, თუმცა ის თავიდან აგარიდებთ მასთან დაკავშირებულ დამატებით საკითხებს და ხარჯებს, როგორიცაა მაგალითად ტრანსპორტირება და შენახვა. თქვენ შეგიძლიათ შეიძინოთ ოქროს სერთიფიკატები ზოგიერთი ქართული ბანკის მეშვეობით.

კონტრაქტი ფასთა შორის სხვაობაზე

ოქროთი ვაჭრობის კიდევ ერთი გავრცელებული მეთოდი არის კონტრაქტი ფასთა შორის სხვაობაზე (CFD). ვაჭრობის ეს სახეობა გვარცელებულია ტრეიდერებს შორის რომელთაც სურთ ოქროთი ვაჭრობა მაგრამ ან არ აქვთ საკმარისი კაპიტალი ოქროს ზოდების შესაძენად, ან მოგების მიღება უნდათ მოკლე ვადაში და არ არიან მზად გრძელვადიანი ინვესტიციისათვის.

ვაჭრობა ოქროთი

შეიძლება თქვენც ერკვეოდეთ ოქროს ფასებში და მუდმივად აკვირდებოდეთ ბაზარს, თუმცა არ გქონდეთ საკმარისი კაპიტალი ოქროს შესაძენად, ან არ გსურდეთ რამდენიმე წლის განმავლობაში ცდა მოგების მისაღებად. თუ თქვენ გინდათ ოქროთი მოგების მიღება სწრაფად აზრს მოკლებული იქნება წახვიდეთ ოქროს საყიდლად, იყიდოთ და მეორე დღეს გაყიდოთ. ოქროთი ვაჭრობით მოგების სწრაფად მიღების შესაძლებლობას იძლევა კონტრქატი ფასთა შორის სხვაობაზე.

რა არის კონტრაქტი ოქროს ფასთა შორის სხვაობაზე

კონტრაქტი ფასთა შორის სხვაობაზე (CFD) არის სავაჭრო ინსტრუმენტი. როდესაც CFD-ებით ვაჭრობთ თქვენ გაქვთ მოცემული ოქროს საბაზრო ფასი ყიდვა-გაყიდვისათვის. თუმცა, ეს არ ნიშნავს რომ გჭირდებათ სრული თანხა იმისთვის რომ ოქროზე CFD ინსტრუმენტებით ივაჭროთ რადგან თქვენ არ ყიდულობთ რეალურ ოქროს. თქვენ ხსნით პოზიციას და სპეკულირებთ ოქროს ფასის ცვლილებით, თუ ფიქრობთ რომ ოქროს ფასი გაიზრდება, ყიდულობთ და ყიდით როგორც კი ფასი იზრდება, ხოლო თუ თვლით რომ ფასი შემცირდება – ყიდით. შესაბამისად, თუ თქვენი მოლოდინი გამართლდა იღებთ მოგებას.

CFD-ებით ვაჭრობა შესაძლებელია ფორექს და CFD ბროკერებთან, რომელთაც აქვთ მითითებული CFD ოქროზე ხელმისაწვდომ სავაჭრო ინსტრუმენტებში. რადგან CFD მარგინალური სავაჭრო ინსტრუმენტია თქვენ შეგიძლიათ ისარგებლოთ საკრედიტო მხარით და გახსნათ პოზიციები, რომელთათვისაც თქვენი კაპიტალი საკმარისი არ არის. თუმცა აქვე უნდა გაითვალისწინოთ რომ CFD-ებით ვაჭრობა მარტივი არ არის და დაკავშირებულია დიდ რისკებთან.

CFD-ებით ვაჭრობის დადებითი მხარეები

CFD-ებით ვაჭრობას აქვს თავისი დადებითი მხარეები, თუმცა ესეც დაკავშირებულია თქვენს კაპიტალთან და მიზნებთან.

  • CFD-ებით ვაჭრობის დროს თქვენ შეხება არ გაქვთ რეალურ ოქროსთან, რაც ნიშნავს რომ არ გაქვთ ტრანსპორტირებისა და შენახვის ხარჯები და არ გიწევთ ნერვიულობა თქვენი აქტივის უსაფრთხოებაზე.
  • თქვენ არ გჭრიდებათ დიდი კაპიტალი იმისთვის რომ ივაჭროთ CFD-ებით, რაც აუცილებელია რეალური ოქროს ფლობისათვის.
  • თუ რელაურ ოქროში ინვესტირება დაკავშირებულია დიდ დროსთან, CFD-ებით ვაჭრობისას შეგიძლიათ მოგება მიიღოთ ძალიან სწრაფად.

დაიწყე CFD-ებით ვაჭრობა ოქროზე XM-თან!

უნდა ივაჭროთ თუ არა ოქროთი საქართველოში

ოქროთი ვაჭრობა საქართველოში ისეთივე მომგებიანია, როგორც მსოფლიოს ნებისმიერ ქვეყანაში. ოქრო ინვესტირების უნივერსალური მეთოდია და შესაბამისად, მნიშვნელობა არ აქვს სად იმყოფებით. თუ ფიქრობთ რომ ოქროს როგორც აქტივის მახასიათებლები თქვენთვის მისაღებია შეგიძლიათ შეიძინოთ ოქრო სხვადასხვა ფორმით და შეინახოთ ის იქამდე, სანამ მისი ფასი გაიზრდება. ოქროში ფულის დაბანდება შესაძლებელია როგორც ინდივიდებისათვის, ასევე მცირე და მსხვილი ინვესტორებისათვის რადგან ოქროს რამდენიმე ფორმით შეძენაა შესაძლებელი. რა ფორმით შეიძენთ ოქროს ეს თქვენზე და თქვენს მიზნებზეა დამოკიდებული, შეგიძლიათ შეიძინოთ ის საიუველირო ნაკეთობის, საიუბილეო და საინვესტიციო მონეტების, ოქროს ზოდების ან ოქროს სერთიფიკატის სახით. შესაბამისად თქვენ გექნებათ აქტივი, რომელიც ხასიათდება ღირებულების სტაბილური ზრდითა და მაღალი ლიკვიდურობით. ოქროს შეძენით შეგეძლებათ დაიცვათ დააზღვიოთ თქვენი ფულადი კაპიტალი და ამასთანავე მიიღოთ მოგება. თუმცა ოქროს შეძენის შემთხვევაში მზად უნდა იყოთ გრძელვადიანი ინვესტიციისათვის და წინასწარ იზრუნოთ მის საიმედოდ შენახვაზე. მეორეს მხრივ, თუ ოქრო თქვენთვის საინტერესო სავაჭრო ინსტრუმენტია, შეგიძლიათ დაიწყოთ ვაჭრობა კონტრაქტებით ფასთა შორის სხვაობაზე და  მიიღოთ მოგება სწრაფად. თუმცა ასეთ შემთხვევაში უნდა გაითვალისწინოთ ვაჭრობასთან დაკავშირებული რისკები.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *